Prémiu literàriu "La giara". Comitadu: "Sa Rai stresiat a sa língua sarda"

(IlMinuto) – Casteddu, 4 de su mesi de totussantus - S'esclusioni de is romatzeris in língua sarda de su Prémiu literàriu de sa Rai "La giara" est "una violatzioni grai de is diritus tzivilis de is sardus comenti minoria linguìstica istórica". Est cantu narat cun d-una nota de protesta su Comitadu pro sa limba sarda. "S'esclusioni preventiva de su prémiu 'La giara' de sa Rai de sa literàdura sarda e de is iscridoris chi in custus úrtimus annus ant publicau prus de 200 títulus in língua sarda, in catalanu, in galluresu, in tabarchinu e in tataresu - pretzisat su rapresentanti de su Comitadu Mario Carboni - est una discriminatzioni etnicu-linguìstica de parti de sa Rai finantziada puru de is abonamentus de is sardus, ma impinniada po custa cosa in d-un'operatzioni de colonizatzioni".