Karate: un'oru e duus brunzus po su Kanazawa Cuartu a is campionaus Jka in Concorezzo

(IlMinuto) – Casteddu, 1 de su mesi de totussantus - Gara bella meda po sa Sardìnnia a is campionaus italianus "Japan Karate Association": s'organizatzioni de su shotokan de importu prus mannu de su mundu. Domínigu passau, in su Palatzeddu de su Sport de Concorezzo (Milanu), sa scuadra de su Karate Club Kanazawa de Cuartu Sant'Aleni at difatis pigau un'oru e duas medàllias de brunzu. Simone Mocci at otentu su primu postu in su Kumite (cumbatimentu) intre is cumbatimentus tzintas de cabori de castanza, sa brasiliana Rosmary Machado est arribada a su terzu postu in su cumbatimentu tzintas nieddas de is féminas. Po sa Sardìnnia arrisurtau bellu puru in sa gara de cumbatimentu a scuadras, innui is tres "samurai" de su Karate Club Kanazawa Massimo Piludu, Luca Matta e Machado ant pigau su brunzu. S'iscola de is maistus Alberto Piludu e Alberto Fogu at aici pigau de sa Jka-I ghiada de su diretori ténnicu Takeshi Naito, VII dan, un'arreconnoscimentu ispeciali po is arrisurtaus prus bellus castiendi a su númeru de is atletas chi ant pigau parti a is campionaus de Karate.