Fotografia: is màginis prus bellas de Sant'Antiogu in su cuncursu "Un’isola per una location"

(IlMinuto) – Casteddu, 29 de su mesi de totussantus - Circai e fotografai logus o avenimentus acapiaus a sa traditzioni de Sant'Antiogu, avenimentus e logus zustus po essi tramudaus in set po su tzínema. Est su cumbidu chi su cuncursu fotogràficu “Un’isola per una location” fait a is professoneris e a is amantis de sa fotografia. Su bandu si sboddiat in tres setzionis: Archeologia, Ambienti, Biddas e Avenimentus. Is bincidoris de is tres categorias, autoris de is màginis prus bellas de Sant'Antiogu, ant a arriciri unu prémiu de 500 eurus in istrumentus po sa fotografia. Sa participatzioni est a gratis e s'iscadéntzia est insertada in sa manifestada "Passaggi d’Autore: intrecci mediterranei", s'arrasinnia internatzionali de 'cortometraggi' in programma in Sant'Antiogu de su 4 a s'8 de su mesi de paschixèdda.