De Tramuntana a Meridioni est arrumpellamentu contra a su Galsi: sit in in Terranòa e in Pramas Sruexu

(IlMinuto) – Casteddu, 19 de su mesi de ledàminis - Atopu dópiu contra a su Galsi: Su Gasdotu Algeria Sardìnnia Itàlia progetau po atrevessai s'Ísula po 272 chilómetrus de "Porto Botte" in Terranòa. Sàbudu chi benit s'ant a tenni duus sit in, unu a Meridioni e s'àteru a Tramuntana de sa Sardìnnia. Su primu, in is Salinas de Stadu de Pramas Sruexu, est stétiu avisau de su Movimentu "Artigiani e Commercianti liberi" cun s'obietivu - si ligit in d-una nota - "de chistionai de is isprópius de is terrenus po su fàbricu de su metanodotu Galsi". Su segundu, chi s'at a tenni in s'arenàrgiu de Is Salinas de Terranòa, tenit s'iscopu de frimai su fàbricu de sa Tzentrali de prémida in "Venafiorita".Contra a su fàbricu de sa tzentrali de prémida Galsi asuta de su casteddu de Pedres si funt arringheraus puru su presidenti de sa Provìntzia de Terranòa-Tèmpiu, Fedele Sanciu, e su síndigu Terranòa, Gianni Giovannelli.