Avenimentus: in Casteddu cuàturu diris de "Festa Comunista"

(IlMinuto) – Casteddu, 12 de su mesi de ledàminis - Cuàturu diris de dibàtidus, concertus, teatru, tzínema e cosa de papai meda. At essi custu su chi s'at a agatai in sa "Festa Comunista", in programa de 12 a su 15 de su mesi de ledàminis in parchégius de su PArcu de Monti Claro. Un'atopu dedicau a su tema "A su tzentru is periferias", cumentzat oi cun sa presentada de su progetu "Biblioteca popolari Antonio Gramsci" (18.00), cun su dibàtidu “Grigio periferia, le scuole di una città dimenticata” (18.30) e cun su concertu "Canzoni di lotta, amore e altri nobili sentimenti", aprontau de su IlDeposito.org, cun Sergio Durzu e Gigi Stochino (20.30).Sa festa est aprontada de su Tzírculu Prc-FdS "Gramsci" de Casteddu cun s'Assótziu "Amicizia Sardegna-Palestina" e s'Assótziu Itàlia Cuba (Tzírculu de Casteddu).