15 de su mesi de ledàminis: 500 istudiantis in corteu in Aristanis po "salvai a s'iscola". In pratza Lianora assembrea de is movimentus

(IlMinuto) – Casteddu, 17 de su mesi de ledàminis - "Salvaus sa scola, no is bancas". Sàbudu a mangianu si ligiat custa iscrita in su striscioni chi oberriat su corteu de is pagu prus de 500 istudiantis chi ant manifestau in Aristanis po sa protesta de su 15 de su mesi de ledàminis: sa mobilitada chi at trisinau 900 tzitadis e prus in totu su mundu pesadas de su tzerriu "Nosu su dépidu no ddu pagaus". Sa manifestada est sodigada in su merì cun d-un'assembrea in pratza Lianora, ananti de 200 personis. In Aristanis funt stétius medas is intervebtus chi ant collegau sa protesta mondiali a is lotas sardas.Intre is àterus ant pigau su fueddu is rapresentantis de is Comitaus no radar de Frùmini Mayori e Capo Pecora, su Movimentu pastoris sardus, su Colletivu Istudiantis de Aristanis, una rapresentanti de is istudiantis chi gherrant contra a sa serradura de su Cunvitu de Sorgono, s'Usb, su Comitau "Non bruciamoci il futuro" di Macumère, is precàrius de s'iscola de Casteddu, Aristanis e Tàtari.