Trasportus: Sanna (ProgReS): "Sa Giunta Cappellacci ascludit Aristanis e Nùgoro de sa 'mobilità sostenibile'"

(IlMinuto) – Casteddu, 30 de su mesi de cabudanni - Sa delíbera de pagus tempus fait de sa Giunta Cappellacci asuba de sa "mobilità sostenibile" – pistas po is bicicretas, bike sharing e car sharing - donat totu su dinai a is areas urbanas de Casteddu e Tàtari i escludit dessintotu su tzentru Sardìnnia. Est cantu denuntziat cun d-una nota publicada in su blog de cussu etotu Frantziscu Sanna (ProgReS). Su rapresentanti indipendentista pedit ca su 20 po centu de su dinai de sa "mobilità sostenibile" – 2 milionis de eurus - siant donaus a is areas urbanas de su tzentru de s'Ísula. "Si est zustu fincai in sa 'mobilità sostenibile' de Casteddu e de Tàtari - scririt Sanna - est prus zustu ancòra a ddu fai in realidadis urbanas comenti Aristanis e Nùgoro, chi de annus meda bint peorai is próprius cunditzionis demogràficas e sótziu-económicas". Po su rapresentanti de ProgReS una mudífica de custu tipu a sa delíbera "iat a podi serbiri de ispinta po is mantessi aministratzionis provintzialis e comunalis po fai unu beru e própriu 'pranu territoriali po sa 'mobilità sostenibile'".