Sotziedadi: in Casteddu cunvennu contra a "s'arrori de is ispidalis psichiàtricus giuditziàriu

(IlMinuto) – Casteddu, 14 de su mesi de cabudanni - "Senza catene. L’orrore degli ospedali psichiatrici giudiziari". Est custu su títulu de su cuvennu aprontau po su 16 e su 17 de su mesi de cabudanni de su Cumitau Stop Opg Sardìnnia. S'atopu s'at a tenni in su tzentru culturali su Ghetu, in Casteddu. Is traballus ant a cumentzai cenàbara a is 16.00 cun d-unu dibatidu asuba de su tema "La protesta delle istituzioni e la società civile", cun sa participatzioni - intre is àterus - de Mauro Palma de su Cumitau "Prevenzione Tortura" de su Consillu de Europa. S'avenimentu - aprontau cun s'apógiu de su Comunu de Casteddu - at essi acumpangiau de sa mostra "Manicomi aperti", chi s'at a podi amirai in is aposentus de su tzentru culturali fintzas a su 20 de su mesi de cabudanni.