Keller: órdini de 80 milionis de S'Africa de Tramuntana. Su Consillu aprovat odg asuba de sa contienda

(IlMinuto) – Casteddu, 29 de su mesi de cabudanni - Po sa Keller de Biddacidru est arribendi un'"órdini de importu mannu po 80 milionis, ddu at nau arisereu a merì s'assessori de s'Industria Alessandra Zedda, fueddendi in Consillu regionali, a sa fini de su dibàtisu asuba de sa crisi de s'azienda de su Campidanu de Mesu. Sa crisi de sa Keller est filla de su determinu de Trenitalia de raiai un'órdini de 15 milionis de eurus e dimandai su pagamentu de una penali po àterus 10 milionis. Ariseru is traballadoris de s'azienda de Biddacidru ant manifestau a faci de su Consillu regionali, in Casteddu. S'assembrea de bia Roma at aprovau a cuncórdiu - cu 68 votus in faori e un'arrinúntzia - un'odg chi impinniat a sa Giunta  a s'impinniai a cumpletai su negotziau cun Trenitalia po otèniri un'arrevisioni de is acórdius intre sa Keller e sa mantessi Trenitalia.