Iscola: sit in Cgil po nai ca no a su lissentziamentu de is precàrius

(IlMinuto) – Casteddu, 14 de su mesi de cabudanni - Cumentzat cun d-unu sit in a faci de su Consillu regionali s'annu iscolasticu de sa Cgil. Su sindacau at aprontau po cras in Casteddu, a is 11.30, un'assembrea asuta de is pórcius de bia Roma po nai ca no a is irminorigamentus, a su lissentziamentu de is precàrius e a is salàrius irminorigaus po is traballadoris nous. Sa Flc Cgil pedit a s'Assessorau de sa Púbblica istrutzioni de oberri "Una contienda cun su Stadu asuba de sa chistioni de su dinai po s'iscola sarda" e narat ca no a sa manuvra "contra a sa crisi" a s'esamu de su Parlamentu. Una finatziaria - si ligit in d-una nota - chi "ferrit a sa regioni nosta, raiat is diritus in su traballu […], sa cultura e negat su tempus benidori a is giòvanus".