Iscola: Istudiantis Barbaza-Madrolisai: "Boleus chi su Convitu de Sòrgono oberrat debressi. Prontus a ocupai s'Agràriu"

(IlMinuto) – Casteddu, 26 de su mesi de cabudanni - Sa serradura de su Convitu de Sòrgono iat essi un'àteru modu po ispopolai su territóriu e ait a essi puru su dennegu de su diritu a s'istudiu de unu númeru mannu de giòvanus iscritus a su lizeu issentíficu e a s'Istitutu Agràriu. Est cantu denuntziat in d-una nota s'Unioni de is Istudiantis Barbaza-Madrolisai, chi pedit de oberri debressi s'istrutura e amaletzat s'ocupatzioni de s'Agràriu. Su no ai obertu su Convitu ponit difatis in arragus mannus a tanti istudiantis "chi lompint puru de biddas atesu meda, comenti Orgòsolo, Bolòtana, Sarule e Orane e funt custrintus a viagiai de su primu diri de s'annu iscolàsticu. Su mangianu tucant de Orane cun su postali donau po imoi de s'Istitutu, ma su meigama su postali no est fasiu, e su viàgiu de torrada est unu matzeddu". Is númerus ddoi funt: funt 40 is istudiantis chi pedint de impitai su Convitu, ma su Proveditòrau a is istudius - acrarat sa nota - no at postu is traballadoris in s'istrutura. A oi - acrarat su comunicau - no est nimancu stétia oberta sa mensa de s'iscola. Su 28 de su mesi de cabudanni s'Istitutu Agràriu at a aghilliri un'assembrea cun sa participatzioni de is síndigus de sa Comunidadi montana de su Gennargentu Mandrolisai, de is rapresentantis de sa Provìntzia, de sa Regioni, de is sindacaus e de su Proveditòrau de Nùgoro. De is istudiantis lompit un'ultimatum: "O si donat arrespustas seguras o eus a cumentzai s'ocupatzioni de s'Agràriu".