Chímica birdi. Is dúbius de su “Gruppo d’intervento giuridico"

(IlMinuto) – Casteddu, 21 de su mesi de cabudanni - Oi in Pòrtu Turre est in programa (a is 11.15, Saba comunali "Filippo Canu") sa presentada de su "Polu Birdi" e de s'istúdiu asuba de s'ambienti acapiau a su progetu de sa Matrica Spa, cun s'obietivu declarau de fai unu "polu chi siat intre is primus in su cumpartu de sa chímica birdi". Asuba de sa chistioni fueddant su "Gruppo d’intervento giuridico" e is "Amici della terra", cun d-unu post publicau in su blog de su Gig. Su documentu critigat diversas cosas de su progetu e po su prus s'acàpiu cun is produtzionis de is campus de su logu, cun sa previsioni de fai in s'Ísula "s'amidu e una calencuna variedadi de cardu po fai ollu e 'biomasse'" po sa tzentrali termica de 40 megawatt. "Si totu custu fessat prodúsiu in Sardìnnia - pretzisat sa nota iant a essi impinniaus tretus de campus mannus meda. 8-10.000 ètaru de cixilianu, 230.000 ètaru pagu prus de cardu. Est a nai unu tretu meda prus mannu de cussu arau in Sardìnnia". In is coltivatzionis - acrarant puru is assótzius ambientalistas - iant a podi essi impitaus cantidadis mannas de "ogm, concimi chímicu e belenus", cun dannus po sa saludi e "apinnicus sanitàrius".