Avenimentus: in Abas torrat ROCK X GRAMSCI

(IlMinuto) – Casteddu, 1 de su mesi de cabudanni - Arribat a sa VIII editzioni sua ROCK X GRAMSCI, s'avenimentu aprontau de s'Assótziu "Casa Natale ANTONIOGRAMSCI" de Abas cu s'agiudu de su Comunu de Abas, de sa Regioni Sardìnnia, sa Provìntzia de Aristanis, de sa Proloco de Abas e de su Comitau Santa Maria. S'atopu est po sàbudu 3 de su mesi de cabudanni in Abas. A oberri sa festa, a is 18.30, in sa Saba Cunvenniu Unioni de is Comunus, su cunvenniu "Ales Arcilab 11: Disciplina e Libertà", chi at a biri is relatus de Pierre Alain Crosett de su Politénnicu de Torinu, de Antonello Sanna, Presidi de sa Facoltadi de Architetura de s'Universidadi de Casteddu e de Giorgio Peghin, istudiosu de sa Facoltadi de Architetura de Casteddu. A is 21.00 s'at a sighiri cun su concertu banduleri  intre is bias de sa bidda de Abas cun sa brass band Sugu Bambu. A is 21.30 su merì musicali at a sighiri cun su concertu de is Massimo Volume.