Pastoria: cras Mps manifestat asuta de sa domu de Laore. S'adesioni de aMpI

(IlMinuto) – Casteddu, 25 de su mesi de austu - Cras a mangianu su Movimentu Pastoris Sardus at a manifestai in Casteddu, a faci de sa domu de Argea e Laore,  "po nai de dda acabai cun su manixu chi no donat in nisciunu modu arrespustas a is satus". A Manca pro s’Indipendentzia at essi presenti a sa protesta e - si ligit in d-una nota - "cumbidat a totus is militantis, is simpatitzantis e is sustenidoris de su movimentu indipendentista a torrai a cabai in pratza a su costau de su cumpartu prus mali postu de s' ecunumia de dipendéntzia e de su colonialismu italianu". S'organizatzioni indipendentista - precisat su comunicau - "acotzat puru su sceberu de scuntroriai a s'Agentza Laore e sa dimanda de cumpartiri is ténnicus e su dinai 'po sa produtzioni e po su traballu in is satus'".