Líburus: in sa Domu de su Pópulu de Bosa sa presentada de "Limbas e culturas de minoria"

(IlMinuto) – Casteddu, 29 de su mesi de austu - "Limbas e culturas de minoria (Cunfrontu de isperientzias internatzionales)". Custu su títulu de su líburu chi at essi presentau gióbia chi benit, primu de su mesi de cabudanni, in Bosa (21.00, Domu de su Pópulu). In su líburu - a cura de Maria Vittoria Migaleddu Ajkabache, Loredana Rosenkranz e Salvatore Scodello - ddoi funt is atus de su convenniu, chi si furiat tentu in S'Alighera in su mesi de cabudanni de su 2006, e chi iat biu sa participatzioni de maistus, dirigentis e operadoris iscolasticus de totu sa Sardìnnia.