“Acacigai a sa dinnidadi de chini pagat is pagamentas”. Avis batacollat a is “Olimpiadi della Riscossione” de Equitalia

(IlMinuto) – Casteddu, 31 de su mesi austu - De su 2 a su 4 de su mesi de cabudanni in Arborea, in su tzentru Ala Birdi, at a aghilliri sa XIII editzioni de is "Olimpiadi della Riscossione": in gara ddoi ant essi is traballadoris de Equitalia Sardìnnia. Un'avenimentu chi fait arrennegai s'Avis ("Associazione vessati italiani solidali"). In sa tres diris - si ligit in d-una nota fata connosci de s'Assótziu - su "movimentu 'AntiEquitalia' at a manifestai su própriu axiori giudichendi su sceberu isfadosu e malafortunadu biu comenti s'agatat sa congiuntura sarda, est a nai in cucuru de s'allentamentu de s'atividadi produtiva e in cucuru puru a su númeru mannu de is suicìdius". "Mentris, de una parti - acrarat Avis - Equitalia Spa ndi liat su possessu de is contus in banca, de is domus e de is aziendas sculendi una sotziedadi giai pagu firma, de s'àtera […] 'giogat' asuba de s'mpreu chi tenit de coberantza fortzosa acacighendi cun malesa légia sa dignidadi de chini pagat is pagamentas".