"Ischia Ruja no si tocat": su Cumitau de Tresnuraghes no s'at a frimai

(IlMinuto) – Casteddu, 18 de su mes'e argiolas - Su sindigu de Tresnuraghes, Antonio Cinellu, is rapresentantis de is Cumitaus No Radar de Tresnuraghes e de s'Argentiera e is chi faint parti de su Cumitau Sinonucle. Furiant pagu prus de 60 is personis chi sàbudu a mangianu, 16 de su mes'e argiolas, si funt agatadas po ponni unu bruntzitu nuràgicu a "Vardiania sa Sardigna dae su periculu Radar". Imoi ddoi est perou unu documentu de su Tar Sardìnnia chi frimat is traballus de fàbricu de su radar de sa Guardia de Finatza, bófiu cun determinu de sa Nato. Is 90 personis de su Cumitau de Tresnuraghes - in primu fila unu grupu de gherradoras de sessant'annus - funt prontas a torrai a pigai in calisisiat mamentu su presídiu fissu, in defensa de unu paisàgiu de una bellesa manna. No at essi s'ingestu balossu de chini in su merì at arrogau su bruntzitu de is peis a fai timoria a su "pópulu no radar". S'est biu, de s'atentzioni chi est stetia donada a su dibàtidu chi s'est tentu a apustiprangiu in sa saba de su Santuàriu de Santu Marcu cun sa participatzioni - intre is àterus - de Vincenzo Migaleddu (Isde), Mariella Cao (Comitau Gettiamo le basi) e Antonello Marotta (Architetu).