"De sa política scèti promissas". Su Mps torrant in pratza in Casteddu cun artesanus e butegajus

(IlMinuto) – Casteddu, 20 de su mes'e argiolas - Is pastoris sardus ant a torrai luegus in pratza e cun issus ddu ant a fai puru is artesanus, is butegajus e is carradoris. A pustis de un'assembrea bia meda chi s'est tenta in is diris passadas in Tramatza, su Mps at difatis avisau una manifestada in Casteddu po martis 26 de su mes'e argiolas. Su corteu at a tucai a is 10.00 de pratza Marco Polo, a faci de s'intrada de sa Fiera. "Si manifestat - si ligit in d-una nota - po pediri cun fortza chi bengant fatas atzionis cuncretas, atzionis chi fintzas a imoi funt abarradas scéti promissas".