Concertus: in Sestu arribat su rock progressive de Fish (ex Marillion)

(IlMinuto) – Casteddu, 11 de su mes'e argiolas - Apuntamentu de no perdi po chini amat su rock progressive. Cenàbara 29 de su mes'e argiolas su Progress One Festival de Sestu at a aghilliri sa música de Fish. A is 21.30 in su palcu de pratza Primu Maju ddoi at essi s'ex boxi e pinna de is Marillion, grupu chi in is annus Otanta iat scipiu arregolli s'aréntzia de bad comenti Genesis e Van Der Graaf Generator. Su cantanti scotzesu - acumpangiau de musicistas comenti Frank Usher a ghitarra e Foss Paterson a sa tastiera - fatta de branus pigaus de is album suus de solista comenti "Sunsets on Empire" (1997), ma puru unus cantu cantzonis scebedaras de is prus connotas long playing de is Marillion, de "Fugazi" (1984) a “Misplaced Childhood”(1985).
S'intrada est a gratis.