Acontéssia Sairu: su "muru mannu de sa genti" frimat un'atera su dispaciu

(IlMinuto) – Casteddu, 21 de su mes'e argiolas - Bitória noa in Terra Segada, in su territóriu de Crabònia, gràtzias a sa solidariedadi. Ariseru a mangianu su muru mannu formau de pagu prus de 200 pastoris, artesanus e indipendentistas at blocau dispaciu po sa de tres bortas - de su Cumosàriu de su Tribunali de Crabònia - de sa família Sairu de is terras aziendalis e de sa domu, bendius a s'asta po mori de sa lei regionali 44 de su 1988.
S'órdini de suspensioni de su provedimentu de su prefetu de Casteddu, Giovanni Balsamo, est arribau a mangianu a tradu. Po oras meda is agentis de politzia - pagu prus de centu óminis bistius de gherra - ant pigau de pesu a is personis chi formànt su muru paxiosu a amparu de sa domu de is Sairu.
Mancai is postus de blocu ingíriu de su logu, su muru si torràt a formai sèmpiri prus mannu de minutu in minutu. A dolu mannu sa bitória de ariseru no fait acabai su bisu malu de Angelo e Rosalba: su dispaciu est sceti atrassau.