Traballu: “Sa seguresa est unu diritu essentziali”. S’assessori Lobina presentat sa campagna informativa

(IlMinuto) – Casteddu, 16 de su mes'e làmpadas - "Una campagna po is traballadoris, po is meris e po totus is citadinas e is citadinus de su territóriu nostru". Aici s'assessori provintziali a is Políticas e Serbítzius po su Traballu de su Campidanu de Mesu, Simona Lobina, at presentau "(IN)SICUREZZA", sa campagna informativa asuba de sa seguresa in su trabllu de sa Provìntzia de su Campidanu de Mesu, presentada ariseru a mangianu in su Csl de Santu 'Engiu. In diris chi benint in su territóriu de sa provìntiza de su Campidanu de Mesu ant essi postus 200 manifestus a tema e ant essi spainaus 1500 libbuereddus asuba de sa seguresa in su traballu: libbureddus in italianu e in sardu, cun d-unu linguàgiu simpli, arricaus de is vignetas de Dr Fonk. "Informatzioni, imparu e prevenimentu - si ligit in su libbureddu - funt is fueddus ghia asuba de sa seguresa in su logu de traballu". "Boleus fai in modu - at precisau s'assessori Lobina - chi su cuncetu de seguresa asuba de su traballu pighit su valori craru de unu diritu" Unu diritu essentziali a amparu de su traballadori, ma puru de su meri". Un'àteru mamentu de importu mannu de sa campagna informativa at essi sa "Diri provintziali asuba de sa seguresa in su Traballu" in programma po gióbia chi benit, 23 de su mes''e làmpadas, in is aposentus de s'ex mensa traballadoris de sa Miniera de Montevecchio (Guspini), in pratza Rolandi 2. A s'atóbiu ant a participai rapresentantis de entis, istitutzionis, sindacaus, organizatzionis chi interessant is meris i assótzius. In programma puru is relatas de su giornalisa de su "Fatto quotidiano", Giorgio Meletti, autori de su líbburu "Nel paese dei Moratti. Sarroch Italia" e de Gianni Loy, maistu de diritu de su Trabalu de s'Universidadi de Casteddu.