Traballu: in Montevecchio sa Diri provintziali asuba de sa seguresa

(IlMinuto) – Casteddu, 22 de su mes'e làmpadas - Sighit (IN)SICUREZZA, sa campagna de sceda de sa Provìntzia de su Campidanu de Mesu asuba de sa segeresa in su traballu. Cras 23 de su mes'e làmpadas de is 9.30 s'ex saba de is traballadoris de sa miniera de Montevecchio (Guspini) at a ghilliri a sa "Giornata provinciale sulla sicurezza sul Lavoro". A s'atóbiu - no po nudda programmau in d-unu de is logus símbulu de s'istória operàja de sa Sardigna - ant a participai rapresentantis de entis, istitutzionis, sindacaus, organizatzionis chi pertocant su meri, de s'Universidadi e assótzius. In programma puru sa relata de su giornalista de su "Fatto quotidiano", Giorgio Meletti, autori de su líburu "Nel paese dei Moratti. Sarroch Italia" e de Gianni Loy, maistu de diritu de su Traballu in s'Universidadi de Casteddu. At a cumentzai is traballus s'assessori a is Políticas e Serbítzius po su Traballu, Simona Lobina.