"Sa faba manna de s'amiantu". Cunvennu Aiea in Madalena

(IlMinuto) – Casteddu, 20 de su mes'e làmpadas - "De su perígulu mannu de s'amiantu si furiat a connoscéntzia giai de su 1898, ma custa beridadi est stetia cuada po tempus meda, fadendi dannu mannu a sa saludi de is traballadoris". Est cantu at nau lúnis passau Mitchel Cohen, abogau de Philadelphia, in s'atóbiu de sceda aprontau de s'"Associazione italiana esposti amianto" chi s'est tentu in Madalena. In sa saba consiliari de su Comunu - si ligit in d-una de imprenta - "funt stetius presentaus is datus asuba de sa perigulosidadi e de sa  mortalla chi nascint de su cuntatu cun s'amiantu, chi in Itàlia at mortu giai a pagu prus de 4milla personis, 'númerus' de strossa, una strossa muda muda, i a is  pabas de custa ddoi funt puru famílias truncadas primu de su tempus".Funt stetius presentaus puru is datus asuba de is maladias acapaidas a s'amiantu in s'ísula aundi s'ast tentu su Cunvennu. "De is maladius de 'mesotelioma' tra is traballadoris militaris e civilis de sa Difesa contaus in Sardigna, a su mamentu - precisat su comunicau - otu funt de Madalena".