Referendum: Cumitau "Vota SI per fermare il nucleare". "Cappellacci no torrit agoa". S'apello de Pdci

(IlMinuto) – Casteddu, 3 de su mes'e làmpadas - "A pustis de s'arrasutau de su referendum regionali contr'a su nucleari est necessàriu afortiai su sceberu chi at biu su 97% e pagu prus de is eletoris sardus votai Eja in su referendum natzionali e conttribuendi a lompi a su quorum". Est candu narat cun d-una su Cumitau "Vota SI per fermare il nucleare" a pagus diris de su votu referendàriu de su 12 e de su 13 de su mes'e làmpadas. "Su Cumitau - si ligit in d-una nota de imprenta - isperat chi su Presidenti de sa Giunta regionali no torrit agoa a fac'e custu referendum e sigat cun su mantessi impignu tentu po su referendum sardu". Asuba de is cuatru refendum fueddat puru Alessandro Corona, cordinadori regionali de su Pdci. "In custas pagus diris primu de su votu - scririt Corona - cumbidaus a totus is sardus a promovi sa campagna informativa asuba de is referendum i, a acotzai cun su própriu EJA custa batalla manna contr'a su nucleari, contr'a sa privatizatzioni de s'àcua chi est e depit abarrai unu beni comunu, e contr'a su "legittimo impedimento" po afortiai su cuncetu ca sa lei est e depit essi aguali po totus".