Referendum, aMpI: " EJA contr'a sa privatizatzioni de is risorsas ídricas". In Aristanis dibbàtidu "Àcua beni comunu"

(IlMinuto) – Casteddu, 6 de su mes'e làmpadas - A pagus diris de is referendum funt sèmpiri de prus is apellus e is atóbius in difesa de s'àcua comenti beni comunu. A Manca pro s'Indipendentzia cumbidat a votai "2 EJA contr'a sa privatizatzioni de s'àcua e po unu caminu chi lompit a nazionalitzai is risorsas ídricas sardas". "Su 12 e su 13 de su mes'e làmpadas - precisat aMpI - lamaus is traballadoris sardus a s'epressai asuba de un'àtera destrossa made in Italy, est a nai sa privatizatzioni de sa gestioni ídrica. Est importanti chi su pópulu sardu dongat unu signali de arrialia a sa privatizatzioni de s'àcua". De is referendum asuba de su serbítziu ídricu s'at a chistionai custumerì in Aristanis (18.30, Hotel Mariano) in s'atóbiu dibbàtidu "Due SI per l’acqua bene comune", cordinau de Nicoletta Selis (Cumitau 'Acqua Bene Comune Oristano') cun sa participatzioni de Antonio Canu (Cumitau 'Acqua bene Comune Sassari') e de Gianluigi Deiana (Cumitau Si.Nonucle).