Poesia: a Giovanna Mulas su Prémiu Speciali a sa Cultura

(IlMinuto) – Casteddu, 3 de su mes'e làmpadas -

[...] Una follixedda est su ca

aici trasladat is alas

aundi est froriu su celu

sa follixedda s'oberrit

e stremessit Giovanna Mulas (Canticum Praesagum)

Giovanna Mulas, ossiat un'artista sarda eclética chi cun passioni e sensibilidadi no acabbat mai de s'arregalai emutzionis. Sa scritora nugoresa at tocau ancora una borta su coru de chini ligit is versus suus, po custu sa Giuria de su Prémiu Internatzionali de Poesia de Ostia dd'at cunfertu su Prémiu Speciali a sa Cultura. Sa scritora - si ligit in d-una nota de imprenta - "at a pigai su Prémiu in su mes'e làmpadas in su Teatru Nino Manfredi, in ocassioni de su reading suu contr'a sa violéntzia a is féminas, aprontau de su regista Rai Gaetano Colloca". Giovanna Mulas primu mamma e agoa scritora - commenti issa etotu precisat - serrat aici sa dédica de s'úrtimu prémiu otentu: "No serrai is alas, no s'arrendeis a unu sistema chi favoressit su pensu bambiocu, s'omologatzioni: oi prus de sèmpiri su mundu - e nau su mundu - tenit abbisóngiu de is boxis de bosàterus, líberas e beras, cumpetentis, unias".