Líbburus: Cremaschi in Crabònia po presentai "Il regime dei padroni"

(IlMinuto) – Casteddu, 7 de su mes'e làmpadas - "Il regime dei padroni". De Berlusconi a Marchionne". Est custu su títulu de s'úrtimu líbburu de Giorgio Cremaschi. Su sindacalista e presidenti de su Cumitau de sa Fiom at a presentai in Crabònia su 15 de su mes'e làmpadas s'òpera sua (18.30, Bibblioteca comunali). E dd'at a fai in d-un'assembrea cordinada de Antonello Tiddia (Rsu Carbosulcis) cun sa participatzioni de Daniela Mereu (Cumitau No Radar), Francesco Corgiolu (artesanu), Roberto Puddu (Cgil) e Franco Bardi (Fiom Surcis Igresienti). In su líbburu pubblicau de "Editori Riuniti" - si ligit in d-una nota de imprenta - "Cremaschi chistionat de su tema de su traballu a s'incras de s'acuntéssia Melfi, de s'acuntéssia Pomigliano e de su stresiamentu de is produtzionis in Serbia, Polonia, Brasili e Usa".