Iscola: Prc e aMpI: "Cun is irminorigamentus de is cursus de su merì si fait un'atacu malu a su diritu a s'istúdiu"

(IlMinuto) – Casteddu, 20 de su mes'e làmpadas - De su mes'e cabudanni su diritu a s'istudiu de una fita manna de is traballadoris sardus at essi scéti un'arregodu. Difatis ant essi liaus is primus duus annus de is cursus de su merì de s'Istitutu Pertini. "Cun d-unu domcumentu de unas cantu rigas -  su diretivu natzionali de aMpI denuciat in d-una nota - s'Ufítziu iscolasticu provintziali de Tàtari, de acórdiu cun cussu regionali, at decidiu […] de ndi liai is primus classis de is cursus de su merì, in provìntzia de Tàtari e in su Surcis […] bocendi aici in duus annus s'istrutzioni de is iscolas superioris po is mannus. A Manca pro s’Indipendentzia denunciat cun fortza custu provedimentu chi ndi furat su diritu a s'istúdiu a is traballadoris nostrus". Sa segreteria federali de Casteddu de su Prc fueddat po su prus de s'acuntéssia de su Pertini."In custas diris - percisat su Prc - benit atacau torra su diritu a s'istrutzioni: sa serradura de su cursu de su merì de s'Istitutu Pertini de Casteddu. Unu cursu chi asseguràt su diritu a s'istúdiu a is féminas, a is traballadoris i a is furesteris, est a nai a cussas classis de pópulu chi, tenint, gràtzias a s'iscola, s'ispériu de unu tempus benidoris prus bellu".