"Io non mi astengo", in Pòrtu Turre assembrea asuba de is referendum de su 13-13 de su mes'e làmpadas

(IlMinuto) – Casteddu, 7 de su mes'e làmpadas - Antonio Canu de su Cumitau "Acqua pubblica Sassari", su físicu nucleari e istudiosu de su Cnr Nicola Culeddu e Lello Cau de s'Arci: ant essi is protagonistas de s'atóbiu-dibbàtidu asuba de is referendum de su 12 e de su 13 de su mes'e làmpadas in programma po custu merì in Pòrtu Turre (Círculu Arci de bia Margutta, 18.30). In s'atóbiu - moviu de su slogan "io non mi astengo" - ant essi acraraus is cuatru referendum de domínigu e lúnis: duus asuba de su serbítziu ídricu, unu asuba de su nucleari e unu asuba de su "legittimo impedimento". Is aprontadoris cumbidant a totus is eletoris a andai a is urnas: poita is referendum siant bàlidus est difatis necessàriu lompi a su quorum de su 50 po centu prus unu de is votantis.