Football: derrota po is Crusaders in sa finali scudetu

(IlMinuto) – Casteddu, 28 de su mes'e làmpadas - "Iat essi stetiu mellus perdi cun d-una distàntzia de puntus prus manna, poita aici no ddoi at essi stetiu su surrúngiu. Invecis sa gara est abarrada oberta fintzas a s'úrtimu. Aici su presidenti de is Crusaders Casteddu, Emanuele Garzia, cummentat sa derrota in sa finali scudetu de foootbal de Busto Arsizio. Sàbudu a merì sa scuadra casteddaia - chi furiat bincendi po 12 a 6 fintzas a duus minutus primu de fini de sa partida - at pérdiu sa gara po 13 a 12 cun is "Aquile di Ferrara".