Football: is Crusaders in Palermu po intrai in sa finali scudetu

(IlMinuto) – Casteddu, 17 de su mes'e làmpadas - Est sèmpiri prus acanta su bisu scudetu po is Crusaders Casteddu de football a noi. Cras a merì sa scuadra sarda at a cabai in campu in Palermu - 21.30, Campu sportivu Tommaso Natale – contr'a is Cardinals. "Est necessària totu sa cuncentratzioni possíbbili, giogai foras no est mai fàcili - cummentat su presidenti de is Crusaders Emanuela Garzia - e tocat a nai puru ca is avversàrius nostrus no arregalant nudda". Su team bincidori at a participai a sa finali, in programma in Busto Arsizio su 25 de su mes'e làmpadas.