Football: is Crusaders in Busto Arsiziu po binci su tertzu scudetu

(IlMinuto) – Casteddu, 24 de su mes'e làmpadas - Est sèmpiri prus acanta su tertzu scudetu po is Crusaders Casteddu. A pustis de sa bitória de sàbudu passau in Palermu, sa scuadra casteddaia cras at essi in Busto Arsiziu (20.30, Stadiu Carlo Speroni) po giogai sa finali de su campionau contr'a is Aquile de Ferrara. Is tifosus de is Crusaders ant a podi sighiri sa partida puru de domu insoru: sa finali at essi trasmitia in streaming de su giassu http://www.bustosport.com/.