"Bruno Liberu". Pcl, Sinistra Critica Sarda e Sanna (ProgRes) participant a sa manifestada de aMpI

(IlMinuto) – Casteddu, 10 de su mes'e làmpadas - Pcl, Sinistra Critica Sarda e Frantziscu Sanna de ProgRes: funt custas is úrtimas adesionis - a pustis de Sni e Paris - a sa manifestada aprontada in Tàtari de a Manca pro s'Indipendentzia po pediri a duus annus de s'arrestu de libberai a Bruno Bellomonte. Su corteu at a tucai de Tàtari, de s'"emiciclo" Garibaldi, cras 11 de su mes'e làmpadas a is 16.30. "Ancora una borta - scririt su 'Partito comunista dei lavoratori' in sa nota de participatzioni - su poderi de sa burghesia, circat de cumbati is pensus de libertadi, de giustítzia e de paridadi chi Bruno e tanti àterus cumpàngius circant de mandai ainnantis tra sa classi operàja e is classis sèmpiri prus mannas de sa sociedadi chi arruint in su disisperu po mori de sa crisi capitalistica, cun su métodu de sèmpiri, su scontróriu". Sinistra Critica Sarda at essi in pratza po "denunciai a sa persighidura manna chi […] bit a su dirigenti de a Manca pro s’Indipendentzia de duus annus in galera e chi at giai fattu unu mortu: Luigi Fallico, lassau crepai cun is s'inzimia de sa guta in d-una cella de su presoni de Viterbu". At a participai a sa manifestada puru Frantziscu Sanna de ProgRes. "M'auguru chi Bruno - scririt Sanna - potzat torrai a imbrassai debressi a sa terra sua, a is cumpàngius suus e a is familiari suus e chi potzat torrai cantu primu a s'impegnu política po su beni de Natzioni nostra".