"Bruno líberu!": 19 diris de isciòpiru de su fàmini po pediri luegu su spresonamentu de s'indipendentista

(IlMinuto) – Casteddu, 30 de su mes'e làmpadas - Funt 19 is diris de fil'e pari de isciòpiru de su fàmini po pediri su liberamentu de Bruno Bellomonte, su dirigenti de a Manca pro s’Indipendentzia e sindacalista de duus annus e 21 diris in impresonamentu cautelari po mori de acusas chi no funt statias mai cumprovadas: unu teorema (s'ammanitzamentu de un'atentau cun modelleddus aereu radiocumandaus a su G8 de Madalena) - acrarant is aprontadoris - "chi no tenit ni conca ni peis, comenti cumprovat su processu chi s'est sboddiendi de unu bellu pagheddu de tempus". Oi no papant Maurizio Faedda (a sa cuarta diri de fil'e pari de isciòpiru), Miriam Madau e Salvatore Drago. A sa protesta de su Cumitau "lavoratori pro Bruno Bellomonte" ant participau in totu pagu prus de 30 personis.