"Bruno líberu!": 13 diris de isciòpiru po dimandai su liberamentu de s'indipendentista de a Manca

(IlMinuto) – Casteddu, 24 de su mes'e làmpadas - Sighit e lompit a trexi diris s'isciòpiru de su fàmini po pediri spresonamentu lestru de Bruno Bellomonte, su dirigenti de a Manca pro s’Indipendentzia e sindacalista de duus annus e duas cidas in impresonamentu cautelari. Oi abarrant giaunant: Martino Orrù, Salvatore Drago, Simona Pau e Mariella Setzu. Funt giai binti in totu is personis trisinadas in s'isciòpiru promòviu de su Cumitau pro Bellomonte, isciòpiru fattu po pediri de liberai debressi a s'indipendentista de sa manca in presoni - acrarant is aprontadoris - "po mori de acusas chi no tenit ni conca ni peis, fillas de unu teorema (su codromíngiu de un'atentau cun modelleddus aereus radiocumendaus a su G8 de Madalena) foras de contu comenti proat su processu chi s'est sboddiendi de unu bellu pagheddu de tempus".