Apuntamentus: a segunda editzioni "Romania mon amour"

(IlMinuto) – Casteddu, 27 de su mes'e làmpadas - Aprobiat in Casteddu arribbendu a sa segunda editzioni sua "Romania mon amour", s'eventu dedicau a s'identidadi culturali de sa Romania aprontau de sa Tycoon Communication cun s'agiudu de sa Provìntzia de Casteddu e cun s'apógiu de s'Ambasciata rumena. Sa rassegna culturali at essi aghillia, a cumentzai de su 6 de su mes'e argiolas, in sa saba "Polivalente" e in is terrenus de su Parcu casteddaiu de Monteclaru e s'at a presentai a su púbblicu cun d-una fibera de cunvennus, cuferéntzias, mostras de fotografias chi tenit comenti protagonistas is màginis fattas de is "fotoreporter" rumenus prus bravus, i puru mostras de is bistiris traditzionalis, ceràmicas e tanti àteras cosas. Ant essi cincu diris in totu de "expò" e "workshop", cincu diris prenas de cultura rumena. S'eventu, tra is àteras cosas, tenit puru s'iscopu - precisant is aprontadoris -  de "donai a is citadinus rumenus chi bivint in Sardigna, sa possibilidadi de agatai innoi s'identidadi de sa cultura e de is traditzionis insoru, agiudendi, in su mantessi tempus, a is citadinus [...] a s'acostai a una fita de sa Romania bella meda e pagu connota".

Po ndi sciri de prus scriri a: agency@tycooncommunication.it