"Saludi mentali e diritus": in Casteddu cuferéntzia a 33 annus de sa lei 180

(IlMinuto) – Casteddu, 11 de su mes'e maju - "Salute mentale e diritti di cittadinanza". At essi custu su tema de sa cuferéntzia in programma po cras in Casteddu (9.30, saba Palatzu Régiu) a 33 annus de s'aprou de sa lei 180. "S'iscopu de s'ventu - acrarant is aprontadoris - at essi cussu de ammentai su patrimóniu culturali e ideali de Franco Basaglia impari a is famílias e a is personis chi bivint dógnia diri sa cunditzioni de suferéntzia mentali". A sa cuferéntzia ant a participai Angela Maria Quaquero, vici presidenti de sa Provìntzia de Casteddu, Marco Espa, consilleri regionali e vici Presidenti Cummissioni Sanidadi, Alessandro Sirolli, presidenti Assótziu "180 Amici", Francesca Fadda, cordinadora "Art meeting", Antonello Murgia, "Sos Sandità Sardegna", Gisella Murino e Vincenzo Mattana, Assótziu "Il Gabbiano". Ant a cordinai is traballus Gisella Trincas, presidenti de s'Asarp, e Roberto Loddo, presidenti de s'Assótziu "5 Novembre"