Sa Sardigna e su Mediterràneu occidentali in s'edadi moderna in su XV cunvegnu de s'Arxiu de Tradicions de l’Alguer

(IlMinuto) – Casteddu, 5 de su mes'e maju - S'at a tenni su 27 e su 28 de su mes'e maju in s'àula Vittoria Sanna (Dipartimentu de Linguìstica e Stilistica de s'Universidadi de Casteddu) su cunvegnu de s'Arxiu de Tradicions de l’Alguer. Sa XV editzioni de s'eventu - dedicada a su tema "La Sardegna e il Mediterraneo occidentale nell'età moderna (secc. XVI-XVII)" - at a cumentzai cenàbara 27 a is 17.00 e at essi presentada de su Diretori de su Dipartimentu Ignazio Putzu. Ant a inquadrai su contestu istóricu Giovanni Serreli de su Cnr e Gianfranco Tore, maistu de su'Universidadi de is Istudius de Casteddu, mentris Daniela Zizi, istudiosa de s'Universidadi de Casteddu, at a aprofundai is contestus linguìsticus culturalis de su períodu pigau in cunsidériu. In sa segundha diri de istudius - cun cumentzu a is 9.00 - funt previdias is relatas de Rossend Arqués (Univesitat Autònoma de Barcelona), Patrizio Rigobon (Universidadi Ca’ Foscari de Venezia), August Bover (Universitat de Barcelona), María Dolores Garcìa Sàchez (Universidadi de Casteddu), Joan Armangué i Herrero (Universidadi de Casteddu), Biel Sansano (Universidadi de Alicante), Gabriel Andrés Renales (Universidadi de Casteddu) e Tonina Paba (Universidadi de Casteddu).