Referendum nucleari: otentu su quorum. Urnas obertas fintzas a is 15.00

(IlMinuto) – Casteddu, 16 de su mes'e maju - Su referendum asuba de su nucleari est bàlidu. A is 22.00 de ariseru su 39,83% de is eletoris sardus iat participau a su votu superendu a su quorum de su 33% previdiu de sa lei regionali. Is urnas ant essi obertas oi puru po totu su mangianu in totus is comunus de sa Sardigna. Fintzas a is 15.00 at essi ancora possíbbili arrespundi a sa dimandha: "“Ses contràriu a s’installatzioni in Sardigna de centralis nuclearis e de situs po su depósitu de ferrinas radioativas avantzadas o presistentis?”. Su quorum est stetiu superau in totus is provìntzias sardas cun custas percentualis: Casteddu (41,47%); Nùgoro (39,93%); Aristanis (39,26%); Tàtari (34,69%); Campidanu de Mesu (42,28%); Crabònia Igrèsias (46,57%); Ogiastra (39,24%); Terranòa-Tèmpiu (38,63%).