Ping pong: sa Marcozzi Casteddu bincit a su Messina e concuistat su tertzu postu

(IlMinuto) – Casteddu, 10 de su mes' maju - Trasferta bitoriosa po sa Marcozzi Casteddu. Sàbudu passau - arribbaus a Messina agoa de unu viàgiu longu in màchina de Palermu - is atletas de sa scuadra casteddaia de Ping Pong at bintu po cuatru partidas a una a su Club 99. Su team sardu concuistat aici su tertzu postu in su campionau italianu de A2, gràtzias prusatotu a s'ótima prova fatta de sa coppia Curcio/Rocca. "Sa partida - at cummentau Stefano Curcio - no teniat meda importu po sa classífica, perou a pustis chi afrontas una trasferta aici massacranti sa gana de t'impegnai meda ammanniat est aici  chi eus portau a domu una bitória mirífica".