Nucleari: in Bruxelles si discutit de su “casu Sardigna”

(IlMinuto) – Casteddu, 2 de su mes''e maju - "Nucleari civili e militari". At essi custu su tema de s'assembrea in programma gióbia chi benit a is 18.30 in sa sedi de su Cumitau de is Regionis de rue Belliard 99, in Bruxelles. Un'apuntamentu de importu mannu po totu sa comunidadi sarda in Belgiu. "Sa Sardigna - acrarant is aprontadoris - est stetia inditada comenti una de is regionis chi prus andat beni po su fàbbricu de una o prus  centralis nuclearis  in Itàlia [...]. Ma s'Ísula tenit giai su nucleari: cussu militari. In is tretus mannus sutapostus a 'tzerachia militari' si funt tentus po annus meda is sutamarinus nuclearis Usa in Madalena e de unu pagheddu de tempus ddoi funt e s'impitant in is esercitatzionis de is armas cun s'uraniu impoberau [...]. De custu est un'esémpiu su Poligonu de su Salto de Quirra". A s'apuntamentu ant a participai Mariella Cao, Cumitau Gettiamo le Basi, Ria Verjauw, International Coalition to Ban Uranium Weapons, e Graziano Milia, su presidenti de sa Provìntzia de Casteddu.

De su nucleari in Sardigna e de su referendum sardu de su 15 e de su 16 de su mes'e maju s'at fueddai cras po sa segundha borta in "Chistioni e Opinionis".