Mps: in Avola nascit su cordinamentu mediterràneu de is pastoris

(IlMinuto) – Casteddu, 20 de su mes'e maju – Diri de importu mannu po su "Movimento pastori sardi". Oi in Avola, in provìntzia de Siracusa, Mps participat a s'assembrea de is cumitaus de sa Sicilia. Apuntamentu avisau cun s'obbietivu de creai is basis po sa costrutzioni de su "Movimento dei Forconi", unu beru e própriu cordinamentu de is pastoris e de is massaius de su Mediterràneu. "Est necessàriu - cummentat su leader de su Mps Felice Floris - fai unu movimentu europeu chi agatit solutzionis cun cussa fortza de determinu chi fintzas a immoi no ddoi est stetia in is organizatzionis agriculas traditzionalis, chi in annus meda no funt stetias capassis de impòniri sa massaria e sa pastoria comenti cumpartu strategicu de s'ecunumia italiana".