Monumentus Obertus: duas diris de giogus e sport in su Parcu de Molentargius

(IlMinuto) – Casteddu, 6 de su mes'e maju - Molentargius oberrit is ennas a Monumentus Obertus. Po su 7 e s'8 de su mes'e maju s'enti Parcu aprontat duas diris de giogus e sport "po sa genti cun s'obbietivu de fai de custu logu miríficu unu territóriu sèmpiri prus in armonia cun s'area manna meda de Casteddu". S'at a cumentzai cras a apustisprangiu a is 16.00 cun "Mandala dei rifiuti", unu progetu chi at impegnai is participantis in su riciclu creativu. A pustis de un'ora su parcu de Molentargius-Salinas at aghilliri su "Percorso vita regionale", manifestada aprontada cun sa Federatzioni Ginnastica de Itàlia. Po is prus giovuneddus ddoi at essi invecis sa "Caccia al tesoro" - in programma po domínigu a mangianu a is 10.30 – chi at a trisinai a is piciocus in giogus e indovinellus in d-unu camminu a frimmadas.