Língua sarda: su Comunu de Mogorèdda at fattu bessiri sa VII editzioni de su cuncursu Santu Laretu

(IlMinuto) – Casteddu, 3 de su mes'e maju - Arribbat a sa VII editzioni su cuncursu literàriu in língua sarda "San Lorenzo". Sa participatzioni est a gratis e oberta a is puetas sardus chi bivint in Sardigna e a is sardus disterraus. Is òperas podint essi scritas in totus is variantis de sardu. Su cuncursu si sboddiat in duas setzionis, tot'e is duas de poesia. Sa primu est oberta a totus senz'e límitis d'edadi, sa segundha est po is scientis de s'iscola elementari e média. Dógnia cuncurrenti at a podi participai scéti a una setzioni. Is òperas ant a depi arribbai intru e no prus a tradu de is 13.00 de su 30 de su mes'e làmpadas de su 2011 a su Comunu de Mogorèdda - Bibblioteca Comunali in bia Risorgimento, 16 - 09080 Mogorèdda e podint essi puru donadas a manu a s'Ufíciu de sa prisia de su Comunu. Po ndi sciri de prus castiai su bandu a s'indiritzu: http://www.luigiladu.it/notizie/notizie178.htm