Líbburus: a sa cuinta editzioni su Prémiu Literàriu Francesco Alziator

(IlMinuto) – Casteddu, 16 de su mes'e maju - Su comunu de Casteddu ghetat su bandu po sa cuinta editzioni de su Prémiu Literàriu Francesco Alziator, citadinu casteddaiu mortu in su 1977. Alziator est stetiu giornalista, scritori, sagista. Su prémiu si sboddiat in tres setzionis: narrativa, sagistica e una setzioni ispeciali po òperas in língua italiana, ma scritas de autoris chi no funt italianus e chi tenint is nascidas in is terras chi faint parti de su Mediterràneu. Is autoris chi no funt italianus ant a podi participai cun òperas giai pubblicadas e scritas in sa língua insoru, ma ant depint essi acumpagiadas de sa furriadura in italianu. A su cuncursu ant essiamitias scéti is òperas pubblicadas de su 1 de su mes'e gennàrgiu de su 2010 a su 30 de su mes'e maju de su 2012. Is cópias de is líbburus ant a depi arribbai in su Comunu de Casteddu, Centru Culturali de Villa Miscas (bia Santa Alenixedda n. 2, cap 09128) intru su 30 de su mes'e làmpadas de su 2011. At a fai fidi su timbru postali. Sa diri de sa premiatzioni est stetia fissada po su 29 de su ledàminis de su 2011.

S.P.