Iscola: mobilitada Cobas contr'a sa "trampa' Invalsi'" e contr'a is "presidis-meris"

(IlMinuto) – Casteddu, 11 de su mes'e maju - Ariseru is istudiantis de is classis segundhas de is istitutus superioris funt stetius sutapostus a is test "Invalsi" ("Istituto nazionale valutazione sistema dell’istruzione") cun quiz de Italianu e de Matemàtica. Is Cobas de s'iscola ant boicotau sa prova denunciendi a s'autoritarismu de cussu chi lamant "presidis-meris". "In d-unu númeru mannu de Istitutus de sa Sardigna, in calencunu de custus su Collégiu de is maistus iat delibberau in manera legítima de no pigai parti a is test de s'"Invalsi" - si ligit in d-una nota de imprenta - is quiz si funt fattus scéti cun is amaletzus […] in manera partziali e scéti in cussas chi lamant classis sceberadas, cun maistus chi no funt arrennescius nimmancu a biri is istudiantis insoru poita blindaus in passadissus isolaus"."Sa campagna nostra - narant is Cobas - nd'at liau sa màscara a sa trampa manna meda de is "Invalsi". Assumancu su 20 po centu de sa categoria e de is istudiantis s'est liberau, in d-unu modu o in s'àteru, de su ricatu e de is amaletzus". Oi is quiz "Invalsi" ant essi sutapostus a is pipius de is elementaris.