Apuntamentus: in Casteddu arribbat "Nascius po sa Música"

(IlMinuto) – Casteddu, 24 de su mes'e maju - De su 26 a su 29 de su mes'e maju - in su parcu casteddaiu de Monteclaro, po de s'European Jazz Expo - sa Provìntzia de Casteddu presentat "Nati per la Musica": una mostra aprontada de sa Bibblioteca Provintziali de is Piciocus. "Nati per la Musica" nascit sighendi s'arruga de s'esperiéntzia "Nati per Leggere", i est promòviu de s'Assótziu Culturali Pediatras, cun s'agiudu de su Centru po sa Saludi de su Pipiu e de s'Assótziu Italianu Bibbliotecas. Sa manifestada tenit s'iscopu de acotzai, atressu su trisinamentu de pediatras, babbus e mammas, levadoras, operadoris de is consultorius, asilus e iscolas, is fainas chi bolint acostai primu de su tempus su pipiu a su mundu de is sonus i a sa música. Sa música difatis - si ligit in d-una nota - "agiudat a su pipiu a svilupai is própriu capassidadis de ascurtu e de annotu de s'ambienti sonoru, a ascurtai issu etotu e is àterus, a espressai bideas i emutzioni, a svilupai sa própriu fantasia". Nascius po sa Música (NpM) est un'eventu chi tenit s'apógiu de su Ministeru po is Benis e is Fainas Culturalis.