Apuntamentus: in Ardaùle "Archeosperimentare in Sardegna"

(IlMinuto) – Casteddu, 19 de su mes'e maju - Arribbat a sa tertza editzioni sua "Archeosperimentare in Sardegna", su meeting internatzionali asuba de is tecnologias primitivas, in programma in Ardaùle de su 27 a su 29 de su mes'e maju. Ocannu "Archeosperimentare in Sardegna" at a chistionai de is "strategias de sussisténtzia in sa preistória e protostória de s'Ísula". S'atóbiu rapresentat unu de is mamentus prus importantis in su caledàriu annuali de is eventus de Paleoworking. Sa manifestada s'at a cumpartiri in tres mamentus: s'aparada, su cunvegnu, s'esperiéntzia. Su primu previdit sa "Mostra Naturalistica del Monte Arci", de s'Enti Forestas de sa Sardigna e s'aparada "Dighe della Sardegna" de s'Enti Àcuas de sa Sardigna.

Su mamentu de su cunvegnu at a tenni comenti protagonista una cuferéntzia informali chi tenit comenti títulu "Strategie di Sussistenza nella preistoria e protostoria". Reladoris ant essi Ignazio Camarda, Anna Depalmas, Alfonso Stiglitz, Mauro Perra, Roberto Sirigu, Vittorio Brizzi, Juan Antonio Camara Serrano e Liliana Spanedda. In su tertzu e úrtimu mamentu s'at a podi participai a Workshop e seminàrius informalis.

Po ndi sciri de prus tocat a scriri a s'indiritzu emali: info@paleoworkingsardegna.org