Trasportu marìtimu. (Stochino e Corona) Fds: "Aumentu esagerau de is prétzius a is pabas de is sardus emigraus e de is turistas"

(IlMinuto) – Casteddu, 4 de su mes''e arbili - "In is úrtimus mesis s'ausétzia de una política crara e profetosa asuba de su tempus benidori de su trasportu marìtimu in Sardigna e de sa flota de Stadu at permítiu a is privaus de fàbbricai unu beru e própriu cartellu". Est cantu denunciant cun d-una nota is segretàrius regionalis de is partidus de sa Federatzioni de sa Sinistra Laura Stochino (Prc) e Alessandro Corona (Pdci). Atressu de s'umentu esagerau de is prétzius - precisant Stochino e Corona – su cartellu at isolau ancora de prus a sa Sardigna impedendi a is sardus emigraus de torrai e a is turistas de sceberai a s'ísula nostra comenti logu po is férias de s'istadi".
Sa Federatzioni de sa Sinistra bullat a s'ipótesi de còmpora de sa Tirrenia de parti de sa cordata Aponte-Onorato-Msc-Snav. "S'operatzioni de còmpora - acrarant is duus segretàrius - est atesu meda de fai sa cuncurréntzia aici nada e si presentat invecis comenti unu benefítziu po is interessus privaus chi in custu mamentu no assegurant nisciunu investimentu po torrai a fai nasci a sa compagnia e po s'arrespetu de su diritu a sa mobilidadi de is sardus". De cust'àtera carestia eus a fueddai puru gióbia chi benit in "Chistionis e Opininionis".