"Sardus giòvanus in Europa": presentau in Casteddu su progetu de Tdm 2000

(IlMinuto) – Casteddu, 14 de su mes''e arbili - Scàmbius tra is giòvanus, seminàrius e cursus de imparu po piciocus sardus: est scéti una de is tantis atividadis chi s'agatant in su progetu "Sardus giòvanus in Europa", presentau ariseru in Casteddu in d-una cuferéntzia de imprenta in s'àula consiliari de su Comunu. "Sardus giòvanus in Europa" est promòviu de s'Assessorau de is Políticas iscolasticas e postu in pràtiga de s'Assótziu Tdm 2000 cun s'agiudu càmbiu de s'Unioni Europea. "Su programma - si ligit in d-una nota de imprenta - puntat a arrespundi a livellu europeu a is abbisóngius de is giòvanus cumentzendi de is giovuneddus po arribbai a is mannus. Cuncurrendi meda a su consighimentu de diversas cumpeténtzias, custu est un'istrumentu de importu mannu po donai a is giòvanus ocasionis de imparu [...] in d-unu clima europeu". Cuntatus: www.tdm2000.org info@tdm2000.org evs@tdm2000.org Tel/fax +39070/666941